Ամբողջ օրը ցանցում աղմկում է ՀԱԿ-ը`
Նախագահը փոխվեց, լինելու է OK,
Չեմ ուզում էլ լսել, դու ես այն միակը,
Որ ուզում եմ փոխվի, չի փոխվում ցավոք:
Քառյակ
Ինչպես Լիլուին Լյուկ Բեսսոնը
Դու իմն ես ավելի շատ, քան ես եմ քոնը,
Դու իմն ես ուզած-չուզած, չգիտեմ էլ խի,
Աստված քեզ, ինչպես Լիլուին Լյուկ Բեսսոնը,
Երկնքից է գցել իմ գլխին։
Ինչ աշխարհ չէի եկել
Իսկ աշխարհում արդեն գեղեցիկ է այնքան,
Ա՜խ, որքան վաղուց է, ինչ աշխարհ չէի եկել,
Ես սիրել եմ արդեն հազար միլիոն անգամ,
Բայց այս անգամ կարծես առաջինն է, մեկ է։
Ազատ ցավ չունեմ
Մոտեցեք փոքր ինչ ուշ` ազատ ցավ չունեմ
Էս պահից մինչ հաջորդ աշխարհի արարում։
Ակնոցներս կորցրել եմ, ներեք գույներ,
Դուք բոլորդ էլ նույնն եք թվում խավարում:
