Երազ էր

Մի գիշեր եկար,
Մտար իմ սենյակ,
Եվ տեսար, որ ես
Քնած եմ մենակ։
Նստեցիր կողքիս
Սկսեցիր երգել,
Իսկ երբ քեզ տեսա,
Ուզեցի գրկել,
Չքվեցիր հանկարծ
Ու ես հասկացա,
Որ երազ էր դա,
Իսկույն արթնացա
Եվ տեսա, որ դու
Նստած ես կողքիս,
Ուզեցի գրկել…

Երազ էր կրկին։

Դօրիան
Դօրիան

Այս ստեղծագործության հեղինակն է գրող Դօրիանը։ Ստեղծագործությունը տարածելիս՝ պարտադիր պետք է նշել նաև հեղինակի անունը։ Դօրիանի գրքերը կարող եք գտնել այստեղ, իսկ ստեղծագործությունների ամբողջական ցանկն՝ այստեղ։