Վերադարձրու սառույցներդ հրշեջ

Վերադարձրու սառույցներդ հրշեջ,
Ես սկսել եմ պաշտել կիրքս մարելդ,
Սերը քո հյուսել եմ մազերիս մեջ
Ու անգիր եմ արել մարմնիդ խալերը։

Կոպերիս կարկատիր հաճույքը հին,
Մկրտիր ինձ մեռոնով արծաթե,
Ճրագով քո խանձիր գունատ հոգիս,
Լուսացրու օրը իմ, մինչ լուսադեմ։

Ցավերով ցավեցրու չցամաքող,
Ես ներել եմ ու էլի կներեմ,
Շպրտիր վերջապես քո էդ քողը
Ու տրվիր ինձ… «Տե՞ր ես»… Տեր եմ…

Դօրիան
Դօրիան

Այս ստեղծագործության հեղինակն է գրող Դօրիանը։ Ստեղծագործությունը տարածելիս՝ պարտադիր պետք է նշել նաև հեղինակի անունը։ Դօրիանի գրքերը կարող եք գտնել այստեղ, իսկ ստեղծագործությունների ամբողջական ցանկն՝ այստեղ։