fbpx

Լևոն Անանյանն օգտագործում է Գրողների միությունը սեփական շահերի համար

Նամակն ուղարկվել է մի քանի թերթերի և այժմ հասանելի է միայն «7օր» կայքում

Ճանաչված գրող, բլոգեր Դօրիանը հանդես է եկել հայտարարությամբ’ Հայաստանի գրողների միությունում երեկ կայացած մամլո ասուլիսի վերաբերյալ, որտեղ միության նախագահ Լևոն Անանյանը դժգոհել է մամուլում իր մասին շրջանառվող տեղեկատվությունից’ հայտարարելով, որ համապատասխան միջոցներ է ձեռք առնում այդ ինֆորմացիայի դեմ պայքարելու համար: Իր հայտարարության մեջ երիտասարդ հեղինակը, որը վերջերս նույնպես հանդես էր եկել Անանյանի դեմ հրապարակմամբ, նշում է.

Լևոն Անանյանը, կարծես թե, հրաժարվել է Գրողների միությունն ի նպաստ գրականության զարգացման օգտագործելու իր առաքելությունից: Հիմա նա այլ զբաղմունք է գտել՝ «պարգևատրելու» է գրական մշակութային արժեքները խեղաթյուրողներին և մշակույթի գործիչներին անվանարկողներին: Ինչպես Լևոն Անանյանը հայտարարել է երեկվա իր մամուլի ասուլիսում, հատուկ այդ նպատակով նա սահմանել է «Կեղանք» մրցանակը, որն ի տարբերություն «Գրողների միության» շնորհած այլ մրցանակների, նախորոք որոշված հաջորդականությամբ չի շնորհվելու միության բոլոր անդամներին, այլ, ինչպես երևում է նկարագրությունից, նպատակաուղղված է կոնկրետ անձանց: Այսպիսով Անանյանը կփորձի հերոսաբար պայքարել անկախ գրականության, գրական հետազոտությունների և մամուլի դեմ, որը լուսաբանում է ոչ այն, ինչ պետք է իրեն: Վերջինովս գրողների միության նախագահն այնաստիճան մտահոգված է, որ որոշել է միության կազմում իրավաբանական առանձին կառույց պահել, որը կպայքարի իր հասցեին հնչող «ապատեղեկատվության» դեմ՝ այդպիսով ևս մեկ անգամ ապացուցելով, որ Գրողների միությունը ծառայեցնում է միայն սեփական շահի համար: Եվ այս ամենից հետո Անանյանին դեռ զարմացնու՞մ են իր հասցեին հնչող բացասական կարծիքները: Հետաքրքիր է՝ նրա մտքով չի՞ անցել միության ռեսուրսներն այդ ամենի դեմ պայքարելով անտեղի վատնելու փոխարեն, զիջել պաշտոնն այնպիսի մարդու, ով այդ ռեսուրսներն ավելի նպատակային կօգտագործի…

Default image
Դօրիան

Այս ստեղծագործության հեղինակն է հայ գրող Դօրիանը։ Կարող եք կարդալ նրա 👉կենսագրությունը։